Transcription par A. Goethals
A.V.Ath – Fonds Dewert – Chirographe N° 4404 du 23 octobre 1643
Nous Jacques Farinart, Jacques Durant
et Pierre Wallet Scavoir faisons à tous , Que pardevant nous spécialem(ent)
appeléz comme hommes de fief du pays et Comté de Haynnau et souveraine
Cour à Mons Comeparurent Jaspard de la Motte comme procureur et
mandataire spécial et général de monsieur Robert de Hauport
Chanoisne de l'Eglize métropolitaine de Cambray, Comme a esté
aparu par procure escripte et signée de sa main et cachetée de son
cachet reprinse et couchée au pied d'un proiect de partage asse
conforme au debvoir cyapres, de laquelle de mot à aultre la
teneubre s'ensuit, Moy Robert de Hauport licentié es droicts,
Pbre Chanoine de l'Eglize métropolitaine de Cambray ay en vertu
de la p(rése)nte comis et estably la personne de Jaspard de la Motte pour
mon procureur général et spécial et luy ay donné et donne
plein pouvoir authorité et mandement absolut et irrévocable,
pour en mon nom cognoistre et accepter pardevant telz gens de
loy, hommes de fief de Haynnau ou aultres personnes publicques,
ou Justiciers qu'il apertiendra le partage cydessus mentioné,
ensamble tous et aultres biens quy pourroient rester, et à
l'accomplissement et entretien inviolable d'Iceluy soubmettre et
obleiger tous et quelconcqs mes biens p(rése)nts et futurs où ils
soient scituez, aussy de iurer en mon âme ladicte obligation estre
de bonne foy et non pour mes léaulx créditeurs vouloir frauder ny
esloigner de leur droict, et en somme voeultant faire, cognoistre
et jurer en ce regard que ne pouroy ou debveroy faire y estant en
personne soubz obligation de moy et de tous mesdis biens, faict
à Cambray soubz mes cachet et signature le vingt septiesme
septembre l'an seize cens quarante trois estoit signé Robert
de Hauport et cacheté de son cachet, damoiselle Jeanne de
Hauport vefve de feu le Sr Pierre Dessulemoustier vivant
Escuyer dem(euran)te à Villers St Amand accompaignée des Srs
Bertrand et Jean Dessulemoustier aussy escuyer ses filz, de
monsieur Louys du Mont son gendre premier Eschevin de la
ville d'Ath comme ayant en espouzé feue damoiselle Jeanne
dessulemoustier, et de la génération qu'il en a retenu , aussy
dalles Marguerite et Anne Dessulemoustier ses filles suffisam[ment]
----------------------------------------------------------------------------------------------------------
eagées et mises hors de son pain et gouvernement, Et Jean de
Hauport aussy escuyer filz Jacques non marié sa personne
franche demeurant audict Ath , Et làendroict lesdis
comparans remonstrèrent , que par le tréspas de feux monsieur
Jean de Hauport escuyer , et damoiselle Catherine le Febvre
dit Bouchart vivans conjoings leurs père et mère , père grand
et mère grande spécialement par celuy deladicte dalle le Febvre
dernière décédée depuis environ six ans , leur estoient dévolues
et escheues plusieures et diverses parties d'héritages et rentes
tenantes nature de main-ferme Scitués et gisantes en diverses
iuridictions , et en joÿ en comun jusques à présens , Et désirans
avoir chacun sa partie et faire son plus grand prouffict , Ils en auroient
premièrement print extimation tant des Mayeur et Eschevins
de leur scituation respectivement que d'aultres personnes expertes,
Et enaprès faict partage et séparation ainsy et à l'advenant du
droict que chacun héritier y debvoit avoir , Lequel droict a esté
trouvé estre par tiers et portions égales au regard des parties
suivantes , Asscavoir un journel de terre labourable à Lenquesain (*), (*) Lanquesaint
en la coulture de Houtaing tenant aux hoirs Jacques Ghelneur (*), (*) Abbé de St Landelin de Crespin (1627-1638)
à l'hospital de Lessines et au chemin de Melin (*), Item un aultre (*) Meslin-l'Evêque
journel en la mesme coulture tenant à ......................................
................................ Item un vieu bonnier de terre labourable
et prét à la Trahison enclos de fossetz tenant au prét le Comte (*) (*) voir l'actuelle Rue des Prés-le-Comte
à l'abbaye de Liessies et au Sr de Promenteau et aux hoirs
Hannecart , Item deux bonniers de terre labourable tenans
à la coulture joindante le bois de Wilhour auxdis partageans
de deux costéz et aux abbaye de St Ghislain et Liessies , Item
la maison édiffices jardin héritage du Regnard contenant
deux bonniers sur le iugement d'Ath tenans à l'abbaye d'Ath
de deux costéz , Item un bonnier à Ottegnies (*) tenant aux hoirs (*) le hameau d'Ottegnies, disparu
Nicolas Cambier , et un journel proche de la Justice d'Ath tenant des cartes
au grand chemin d'Ath à Enghien, com(m)e touttes cesdittes
parties venantes d'acqueste qu'en avoient faict lesdis conjoings
----------------------------------------------------------------------------------------------------------
et conditionnez apertenir à leurs enffans également , ayantes
esté trouvées par ladicte extimation , porter la somme de
huict mils cent et dix livres faisant à chacun des héritiers
pour son tiers la somme de deux mils sept cens trois livres six
solz huict deniers
Et quand aux parties quy tenoient nature de patrimoine des feux
conjoings avoient esté trouvées porter la som(m)e de quattre vingtz
mils six cens quattre vingtz dix huict livres dixhuict sols, Esquelles
suivant loy les filz comme ayans double portion contre leur
soeur avoient chacun deux cincquiesmes , Revenans lesdis
deux cincquiesmes à chacun desdis filz trente deux mils deux
cens soixante dix noef livres onze sols deux deniers, Et la
fille un cincquiesme seulement portant seize mils cent
trente noef livres quinze solz sept deniers , de sorte que la
parte totale en tout revenoit et revient à la som(m)e de trente
quattre mils noef cens quattre vingt deux livres dix sept solz
six deniers
Et celle de ladicte damoiselle Dessulemoustier aussy en
totalité dixhuict mils huict cens quarante trois livres deux
solz trois deniers
Et pour chacun desdis héritiers trouver et avoir sadicte portion
et tantiesme , Avoient et ont amiablement esté assignées à
chacun d'eulx les paries que s'ensuivent
vte
----------------------------------------------------------------------------------------------------------
Premièrement ledict Monsieur Robert de Hauport
chanoisne etc , Pour sa parte aura et tiendera une maison, chambres
grange, estables et jardin a planté d'abres contenant un vieu
bonnier ou environ enclos de hayes, gisante sur le iugement
de la ville d'Ath tenante à Paul de le Rivière, au bois de l'abbaye
et à Anthoine le Clercq le fond et héritage ayant esté aprécié
à mil livres en considération aussy des abres à fruict Icy
mil livres
Et les édiffices et bastimens à deux mils quattre cens dix livres
Item demy bonnier demy journel de prét gisant sur Izières tenant
aux hoirs Pierre Despretz et à la rivière extimé douze cens
cincquante livres,
Item journel demy de prét audit Izières où l'on dict aux Ruaulx
ten(ant) à l'Eglize dudit lieu, aux hoirs Loncheval extimé quattre
cens soixante deux livres
Item trois journelz de terre labourable à terrage de sept jarbes
du cent en la coulture du Crocquet sur Lenquesaing tenant
aux hoirs Thiery Wendins (*), aux hoirs Anthoine Sergeant, et à la (*) ... [lecture hasardeuse !]
chapelle ñ(ot)re Dame dudit Lenquesaing aprécié à quattre cens
cincquante livres
Item quattrevingtz verges de samblable terre à terrage en la mes(me)
coulture tenans à ladicte Chapelle ñ(ot)re Dame aprécié à cent
cincquante livres
Item six journelz de sartys, tenans au camp du Casteillon, ausdis
hoirs Anthoine Sergeant et aux hoirs Anne de le Court aprécié
à cincq cens livres
Item quattre vingtz verges à terrage sur la coulture de Béart ten(ant)
ausdis hoirs Depretz , aux hoirs Anthoine Sergeant et à l'abbaye
d'Anchin extimé à deux cens livres
Item demy bonnier en la coulture de Tanquin tenant Toujours un chemin et ferme du Tanquin à
ausdis hoirs Sergeant et aux pauvres de Lencquesaing Lanquesaint
extimé quattre cens cincquante livres
----------------------------------------------------------------------------------------------------------
Item un journel sur le camp [du Casteillon tenant aux hoirs .... mots manquants à la photocopie ....
Depretz et aux hoirs Anne de le Court aprécié deux cens livres
Item demy bonnier sur le camp de Houtaing tenant aux hoirs
Sermeth et à la vefve Pierre Terrace extimé six cens livres
Item journel demy sur ledit camp tenant de trois costéz ausd[is
hoirs Sergeant aprécié à trois cens soixante quinze livres
Item un journel sur ledict camp tenant aux hoirs Despretz
à monsieur de Longueval et à la vefve Guillame Hammes
aprécié à deux cens cincquante livres
Item demy bonnier sur le camp des Welles tenant ausdis hoirs
Despretz de trois costéz et à la piedsente de Rebaix à Melin
aprécié à sept cens cincquante livres
Item un journel sur la coulture de la Maladrie tenant
ausdis hoirs Sergeant, ausdis hoirs Despretz, et à la piedsente
d'Ath à Izières apréciée à deux cens cincquante livres
Item trois journelz sur le iugement d'Ath tenans ausdis hoirs
Thiery Wendins, audit Paul de le Rivière et au chemin allant
d'Ath à Enghien aprécié à noef cens livres
Item un bonnier de samblable terre tenant au bois de l'abbaye
d'Ath et aux partageans aprécié à sept cens livres
Item un bonnier de terre labourable à Izières en deux pièces,
si comme trois journelz en la grande coulture tenans à
l'hospital de Lessines à Martin de Lausnoit et à Martin du
Casteillon, et l'aultre journel en la mesme coulture en deux
parties encloses de hayes tenant aux hoirs Jean Respilleur,
à Pierre Dammeries et aux prétz de la Cure aprécié à mil
livres
Touttes lesquelles parties tient à Censse Thomas Olivier
et sont conduictes à la charge des rentes fonsières qu'elles
doibvent à cause de quoy et pour le capital d'Icelles sont
esté déduicts cincq cens livres,.
----------------------------------------------------------------------------------------------------------
Item demy bonnier de terre en la coulture de Wilhour tenant à
l'abbaye de Liessies, aux hoirs Pierre de Pouille et aux partagean[s
extimé à huict cens livres
Item journel demy à terrage de douze jarbes du cent en ladict[e
coulture tenant aux hoirs Nicolas Cambier, aux hoirs
Anthoine Carlier, et à ladicte abbaye de Liessies extimé
quattre cens livres
Item le bonnier le Comte rethiré de la maison tenant ..........
................................................................... aprécié à mil livre[s
Item trois journelz en trois pièces joindantes ensambles en la
coulture de Haulte Bonne passant parmy le grand chemin de
Bruxelles tenant ausdis hoirs Nicolas Cambier de deux
deux costéz , à Jean Savreux et à Jean Ruchon extiméz noef
cens livres
Item un bonnier de closure tenant aux prétz d'Ottegnies, ausdis
hoirs Cambier de deux costéz et au grand chemin d'Ath à Enghien
aprécié à quinze cens livres
Item deux bonniers ou noef journelz tenans au bois de l'abbaye
d'Ath aux partageans et au grand chemin d'Ath à Enghien
apréciéz à trois mils livres
Item un journel de terre embas dela Justice teñ(ant) à l'abbaye
Liessies de deux costéz et à ............................ extimé deux cens
livres
Item six journelz en trois pièces à terrage de seize jarbes de cent
et huict de disme joindans ensambles audit Lenquesaing sur la
coulture de le Quenestrie (*) tenans aux hoirs Joos Sermeth, à (*) ... [lecture hasardeuse !]
Jean Destrebecq et à monsieur de Loncheval extiméz à treize
cens cincquante livres
Item un droict de terrage à l'advenant de six jarbes du cent quy
se lève sur trois journelz de terre labourable gisans sur le
iugement de ................ en la coulture de ...................... tenans
à ................ apertenans au Sr Jacques Cambier Protonotaire
aprécié à cent cincquante livres /.
----------------------------------------------------------------------------------------------------------
Item six muids de bled soil et six muidz d'avoine mesure d'Ath l'an
de rente héritière que doibt monsieur Jean de Hauport escuyer
Sr des Grandsarts, Maffle etc leur cousin sur sa maison et
héritages à la Thourette d'Arbre cy devant chargée et assignée
par advis de père et mère pour partage et mélioration, Icelle
rente apréciée à six mils livres
Item telle parte et portion que pouvoit compéter aux p(rése)ñs
partageans en la censse de Hérines comprinse la succession
dévolue par le tréspas de Michiel Malapert leur cousin
apréciée oultre touttes charges que les parties pouroien[t
debvoir à la somme de quattre mils huict cens livres /.
Item demy bonnier de bois au Regnard lez Ath encorre,
tenant à ............................................................................
extimé fond raspe et abres montans oultre quinze sols
noef deniers de rente à sept cens quattrevingtz huict livres
Item trois journelz de terre labourable gisans à Lens en
la coulture d'Enfer tenant à la piedsente d'Ath à Mons à
........................................... extiméz huict cens quarante
trois livres
Item cincquante trois livres huict dix sols l'an de rente au denier
dixhuict franche de vingtiesmes deue par Jean Pottier dem(eurant)
à Mons à ce jour Bailly de St Denys sur une maison audit
Mons venante de la succession dudit Malapert en la rue
........................... tenante .................................................
.............. eschéante ..........................................................
portante en capital noef cens soixante trois livres
Ogÿ
Item trois journelz de pasture gisante audit Ogy où l'on dict
à Pecquereau tenans à la chapelle ñre Dame dudit Ogy au rieu
et au chemin de deux costéz à charges de deux grandes
----------------------------------------------------------------------------------------------------------
razières avoines faisantes douze quartiers relz et deux oyes
deues à Sa Ma(jes)té
Item demy journel douze verges d'ottelle pasture tenante à la
vefve Jean Hanuise, à la vefve Adrien Fontaine, au rieu et au
chemin doyant sept solz six deniers l'an de rente au pauvres
dudit Ogy
Et avecq quartrons de terre labourable la partie com(m)e
elle se contient sur le camp du bois d'Ogy tenant à Estienne
L'Estarcquy et au bois d'Ogy
Icelles parties oultre lesdictes rentes extimés
noef cens quattre vingtz dix livres.
Portantes les parties de ceste parchon déduction faicte de
cincq cens livres pour les vielles rentes de la censse et
partie du Regnard que tiennent Thomas Olivier et Charles
Thomas pour les parties d'Izières à la som(m)e de trente cincq
mils quattrevingtz une livres
Trop quattrevingtz dixhuict livres deux solz deux deniers
A rendre à son nepveu quattre vingtz quinze livres dix sept
sols dix deniers
Et à sa soeur quarante quattre solz trois deniers
--------------------------------------------------------------------------------------------------------------------------
Jean Mahieu et au grand chemin d'Ath à Enghien extimé ... Le haut de la page semble manquer à la photocopie ...
quattre cens cincquante livres
Item un journel à terrage audit Lencquesaing en la coulture
à le place tenant à Pierre Cospeau, aux hoirs Nicolas Cambier
aprécié deux cens cinquante livres
Et un aultre journel en la mesme coulture à le place, tenant
au chemin Vasseau , ausdis hoirs Cambier , et aux hoirs
Anthone Sergeant extimé quattre cens livres
Somme ces parties et parchon deladicte dalle Dessulemoustier
dix huict mils huict cens quarante livres dix huict solz
Cour à ravoir de monsieur le chanoisne son frère quarante
quatttre solz trois deniers
----------------------------------------------------------------------------------------------------------
Item ladicte damoiselle Jeanne de Hauport vefve
dudit Sr Pierre Dessulemoustier pour sa parte à esté accordé qu'elle
aura et tiendera
Premièrement une maison, chambres, greniers, grange, estables,
coulombier, jardin enclos et entrepresure, joindans ensamble
contenans en tout quattre bonniers trois journelz ou environ,
ainsy qu'ils sont enclos gisans sur le iugement dudict Ath, où
l'on dict à la Trahison tenant à front du maret, à Jean Vanrode
et aux prétz le Comte, aussy à aultres héritages cyaprès, apreciéz
le fond à six mils cent soixante quinze livres, et les bastimens
à six mils livres quy port ensamble douze mils cent soixante
quinze livres , mais à cause de noef cens vingt une livres
dix solz qu'à esté déduict pour le capital de quarante une
livre dix sept sols six deniers l'an à l'advenant du denier
vingt deux deue à la Ma(jes)té reste icy ladicte extimation
porter onze mils deux cens cincquante trois livres huict solz
Item sept journelz de closure proche ladicte maison tenante aux
jardins et enclos d'Icelle , à l'hospital de la Magdeleine, à Jean
Vanrode et au chemin allant de Lorette à l'abbaye d'Ath aprécié
à trois mils cent cincquante livres
Item six journelz de samblable terre et closure tenante à la
partie précédente , ausdis chemin et hospital , au maret de la
Trahison apréciéz à vingt quattre cens livres
Item demy bonnier ou à douze verges et demie de terre
particulièrement à elle apertenans d'acqueste de son feu
mary gisans en la coulture de Lorette tenans de deux
costéz à l'abbaye de Lessies , à Anne et Joachin de le
Court extimé noef cens trente sept livres dix solz
Item journel demy à terrage gisant à Melin en la coulture
de la Croix tenant à la vefve Nicolas de Lens, aux hoirs
----------------------------------------------------------------------------------------------------------
Et finalement ledict Sr Jean de Hauport , En ce
cas seul représentant ledict Sr Jacques son père comme en
ayant le droict par advis de père et mère, aura et tiendera
pour sa parte
Une maison jardin pasture prét et terre labourable contenant
cincq journelz ou environ gisant à Ladeuze tenant au
chemin allant au Grousage , à Jacques Poncelet et à Paul
Despretz
Item un journel et demy de prét gisant audit lieu, tenant à
Pierre Grumeau de deux costéz , et à Jeanne le Massy, et un
journel vingt noef verges de terre labourable gisant en la
coulture de l'Ausnoit à Marlière tenant à Pierre de Ramaix
à l'Eglize ñre Dame de Tongre et au chemin , à charge de
deux stiers avoine et deux chapons deuz au Sr , Et oultre ce
Icelles trois parties sont apréciées avec les édiffices et
bastimens à la somme de deux mils sept cens soixante
quinze livres
Item cincq journelz de terre labourable gisans à Poncheau
jugement de .................................. en la coulture du Flocquet
tenant à Arnould de le Roiste , à la vefve Grégoire Stocquart
et à la Cure d'Arbre aprécié à seize cens vingtcinq livres
Item demy bonnier demy journel d'ottelle terre en ladicte
coulture tenant au fief dudict Sr Hauport , à Pierre de Bay
et audict Stocquart chargé du droict de terrage et oultre
ce aprécie à septe cens quattrevingtz livres
Item journel demy aussy à terrage en ladicte coulture teñ(an)t
aux hoirs Hughues Moreau , à Julien Bouvier et à la vefve
Louys Le Bon , aprécié cincq cens vingt cincq livres
----------------------------------------------------------------------------------------------------------
Item demy bonnier demy journel en la mesme coulture ... ligne partiellement lisible à la photocopie
tenant à Comte de Solre , à Hughues Moreau et passe parmy
la piedsente allante d'Ath à Mons extimé huict cens livres
Item demy bonnier en la coulture du Gay tenant au Sr de
Hion , à Arnould de le Roiste et à l'abbaye de Liessies aprécié
sept cens livres
Item noef journelz en la coulture du Buisson d'Arbre ten(an)t
aux hoirs Moreau , à l'Eglize dudit Arbre et aux pauvres
dudit lieu extimez trois mils huict cens vingt cincq livres
Item trois journelz en ladicte coulture tenans aux prétz au
Sr de Hion aux hoirs Gilles Brassart et à Pierre Moreau
dont y a un journel à terrage de vingt jarbes du cent
extimé à noef cens L cincquante livres
Item demy bonnier en ladicte coulture tenant ausdis hoirs
Moreau , aux pauvres dudit Arbres et à Elie de Buignies
aprécié à cincq cens livres
Item un journel de prét près la censse d'Impegnies tenant
aux pauvres d'Arbre et à Jean Le Mol aprécié à deux cens
cincquante livres
Item demy bonnier de terre labourable sur Arbre en la
coulture de ................ tenant au Sr des Grandsarts , aux
soeures grises de Brugelette , à Elie de Buignies et aux prétz
de Cherues (*) extimé sept cens livres (*) ... [lecture hasardeuse !]
Item cincq journelz demy en trois pièces gisantes sur Maffle
Scavoir trois journelz sur le camp de du Flocquet tenant à la
vefve Michiel Desmres et au rieu aprécié à onze cens
cincquante livres
Item un journel sur le camp de l'Espinette tenant aux
religieuses de Nazareth , à Jean Vanrode et à ......................
..................... extimé trois cens cincquante livres
----------------------------------------------------------------------------------------------------------
Item journel et demy au mesme camp tenant à l'abbaye d'Anchin,
audict Vanrode et à ............................................ doyant terrage et
oultre ce extimé trois cens cincquante livres
Item cincq journelz en la coulture d'entre Ath et Maffle tenant
à l'abbaye de Liessies , aux hoirs de Solbroeucq et au chemin
d'Ath à Poncheau aprécié à dixsept cens cincquante livres
Item un bonnier de closure gisant sur le iugement d'Ath proche
la chapelle de Lorette tenant à David de Ghislenghien , à l'abbay[e
de Liessies et au chemin venant de Lorette aprécié à deux mils
deux cens livres /
Item trois journelz tenans à la chevauchoire joindant Lorette
tenans à la Chapelle dudit Lorette à ............................. Cambier
et à Jean Vanrode apréciéz à quinze cens livres
Item trois journelz de terre labourable et un journel douze verges
de prét y joindant où l'on dict à Ottegnies tenant à la vefve
Anthoine Carlier apréciez ensambles treize cens vingt cincq
livres
Item trois journelz l'un à terrage tenans à l'abbaye de St Ghislain
de deux costéz , à l'abbaye de Liessies et à aultres héritages des
partageans apréciéz à mil cincquante livres
Item trois journelz tenans au bois de l'abbaye aux hoirs Jouveneu
et à l'abbaye de St Ghislain apréciéz à onze cens soixante quinze
livres
Item cincq journelz tenans au Trieu Périlleu , aux hoirs de
Solbroeucq, au chemin d'Ath à Poncheau et aux partageans
extiméz deux mils livres
Item aultres cincq journelz sur Brugelette tenans à l'aulnoit
de Maffle , à Arnould de le Roiste et à ....................................
apréciéz deux mils livres
----------------------------------------------------------------------------------------------------------
Item trente verges à terrage sur le iugement d'Ath en la coulture
à le place tenante aux partageans et aux hoirs Cambier , extimé[
soixante quinze livres
Item trois bonniers cincquante verges de bois dont y a demy
bonnier à terrage gisant à Ollegnies avecq les abres raspe et
despouille, à charge de six quartiers avoine, un chapon et cincq
sols de rente s(eigneu)riale et oultre ce aprécié six mils quattre vingt
sept livres
Et demy bonnier de prét au bois de Lessines gisant en la praerie
d'Audenarde tenant au chemin allant du Chesnehuet audict
Lessines , A Martin Flameng et au rieu Gambart doyant sept sols
cincquante livres
Somme ceste parte dudict Sr Jean de Hauport Trente quattre mils
huict cens quattre vingtz sept livres
Court à ravoir de Monsieur le chanoisne son Oncle quattre
vingtz quinze livres dix sept sols dix deniers
----------------------------------------------------------------------------------------------------------
Que pour chacun desdis héritiers partageans comencer à
joÿr desdictes parties doiz – le jour St Remy dernier et de la
en avant à tousiours , Et au reguard de celles mises en
divers partages et néantmoins occupées par un mesme
fermier le rendage se debvera durant le parfaict de bail
répartir entre lesdis héritiers au marcq la livre et à
proportion des héritages que touchera ausdis partageans
respectivement prenant pied à la somme principale de
l'extimation , chacun se doyant contenter de la grandeur
et comprendement de ses parties sans en pouvoir prétendre
aulcune délivrance par mesure , comme de mesme chacun
demeure en charge des rentes et aultres redebvances , à
quoy lesdictes parties sont cogneues et déclarées par ce
pr(ése)nt partage , mais s'il s'en trouvoit aucunes deues et non
conduictes elles se debveront respondre selon leures constit-
utions , Et les non racheptables au denier vingt deux
extimant le bled soil à trente livres le muid , l'avoine à
quinze livres , les oyes à trente six sols , les chapons à vingt
huict sols, Et ainsy d'aultres à l'advenant , A condition
néantmoins qu'icelle refusion se fera pour touttes rentes
ataindantes cincq sols l'an et endessus et non endessoubz
A laquelle refusion chacun des partageans contribuera
à proportion chacun de sa parte et contingent , Et où
quelque recherce , trouble , ou empeschement surviendroit
la déffence ou maintenement en la joyssance se debvera
faire de mesme à comuns fraix et à proportion d'hoirie,
Et au regard de diverses rentes non partagées rendroit
les parties demeureront enthier chacun pour son droict
ou tantiesme tel qu'il luy debvera ou poura toucher,
Tout lequel partage les parties comparantes,
asscavoir ledict Jaspard de la Motte comme procureur dudit
----------------------------------------------------------------------------------------------------------
Sr chanoisne Hauport , damlle Jeanne de Hauport vefve dudict
Sr Pierre Dessulemoustier avec lesdis Bertrand et Jean ses
filz damlles Marguerite et Anne ses filles, et ledict Sr
Louys du Mont son gendre, P(rése)ns ledict Sr Jean de Hauport
estant accompaigné et adsisté de damlle Jeanne de Hauport
sa soeur p(rése)ñte et advenante qu'Icelluy son frère estoit
et est seul faict héritier de son estocq, au regard des
biens cydessus , chacun pour aultant et Siavant qu'il leur
touchoit et pouvoit toucher, spécialement ledict Sr
Louys du Mont comme tuteur légitime et tenant le bail
de sesdis enfans , au regard du contingent qu'iceulx
seulement , Avoient et ont promis entretenir et faire
entretenir inviolablement com(m)e juste et léal faict au
total contentement de l'un et de l'aultre , et mesme pour
engendrer réalité d'Iceluy le ratifier et recognoistre
pardevant loy , Si promisrent et en bien encouvent
chacun à part soy de rendre et restituer tous fraix , despen[ses
dommages et interrestz quy faicts et encours seroient
à leur déffault d'entretenir accomplir ou recognoistre
Iceluy partage sur quarante solz tournois de peine que
les entretenans un ou plusieurs donner pouront à
Justice telle que bon leur semblera sur celuy ou ceulx
qui contreviendroient ou seroient en faulte d'entretenir
recognoistre et accomplir ledit partage , pour à ce les
constraindre fraix despens et intérrestz restituer, et
ainsy à chasque fois que le cas y chera , Ausquelles
fins et l'une d'elles les parties contractantes , pour
aultant qu'à chacune d'elles touchoit et compétoit ainsy
et par la manière avant déclarées en avoient et ont
respectivement obleigées l'une vers l'aultres leures
personnes, biens hoirs, successeurs et remannans
----------------------------------------------------------------------------------------------------------
et les biens d'iceulx meubles et immeubles p(rése)ns et futurs
par tout où ils soient et pouront estre sceuz et trouvez
puis ont faict serm(ent) solemnel chacun à part soy en la main
de l'un de nous lesdis hom(m)es de fief , Que les p(rése)ntes
promesses et obligations de partage elles avoient faict et receu
faisoient et recepvoient respectivement à bonne et juste
cause léalement et sans fraude , En tesmoing de quoy
et que l'embrefure est signée desdites parties , scachant
bien escrire nous lesdis hom(m)es de fief avont aux p(rése)ñtes
l(ett)res mis et apendu noz seaulx / Ce fut faict cogneu et
passé audict Ath le vingt troisiesme jour d'octobre mil
six cens quarante trois
signé Delamotte
Il est aussy asscavoir à tous , Que pardevant
le mayeur et Eschevins deladicte ville d'Ath cyaprès nomméz sont
de mesme comparus les parties dénommées au partage cidevant
si comme ledict Jaspard de la Motte en qualité de procureur dudit
monsieur Robert de Hauport Pbre licentié es droicts chanoisne
de l'Eglize métropolitaine de Cambray comme à este faict
foy et lecture de sa procure tese qu'y est déclaré , damoiselle
Jeanne de Hauport vefve feu monsieur Pierre Dessulemoustier
escuyer, et avec elle les Srs Bertrand et Jean Dessulemoustier
ses filz , monsieur Louys du Mont son gendre et dalles
Margueritte et Anne Dessulemoustier ses filles leures
personnes franches comme prédict et le Sr Jean de Hauport
aussy escuyer fils de feu Jacques accompaigné et adsisté de
----------------------------------------------------------------------------------------------------------
damoiselle Jeanne de Hauport sa soeure leures personnes
franches , Et làendroit lesdictes parties après répétition et
lecture du susdict partage de leures libres et franches
volontéz disrent et déclarèrent + + dudit partage , Ils l'avoient intercallé : « + que pour eng...... réalité plus...ant »
et ont en tout son contenu , Recognu et ratifié , Sy
promisrent de le tenir ferme et stable à tousiours comme
juste et léal faict à l'amiable à leur enthier désire et
apaisement , A laquelle ratification et recognoissance fut
p(rése)nt com(m)e Mayeur de ladicte Ville le Sr Charles Zuallart
Sy furent p(rése)ns comme eschevins d'Icelle pour ce spécialem(ent)
apelléz saulf tous droicts , Henry Hocq , Anthoine Francque
Jacques Wallet et Charles d'Yzembart , ce fut ainsy recognu
et ratifié le mesme jour vingttroisiesme d'octobre mil
six cens quarante trois , en estans faicts quattre lettrages
d'une mesme teneubre , un pour le ferme et les aultres
pour chasqun partageant ou estocq le sien , Et dont pour
preuve que celuy du ferme y est resposant lesdis Eschevins
ont à cestuy de mesmes qu'aux aultres mis et apendu
leur séel Eschevinal à ce servant et ordonné //